दुरावा
माझ्या ह्या प्रेमाचा मागु नको पूरावा
होकार तुझा मी घेईन समजुन
डोळांनी फक्त तु इशारा करावा
Tuesday, December 26, 2023
Monday, November 27, 2023
गारपीठ
गारपीठ
तुझा जिवाव संसार सारा पणाला लावला
सार ऊसन करून पिक जोमत आणल
लेकरा परीस जिव पिकाला लावला
आजची गारपीठ सार घेऊनच गेली
पाठीचा कणा वाकल्या सपराला लावला
अवंदा कांद्याच्या पैशाव तुला घेईल सदरा
खोट्याच आशेव यंदाही लेकाला ठेवला
पुढच्या वर्षी व्यजासहीत करीन परत
थकला बापही आज सालाने ठेवला
सार घरदार बघ आज ऊपाशी झोपल
ज्याच्या जिवावर सारा जमाना जेवला
आश्रुच पिऊन बाप आज ऊपाशी झोपला
भाबड्या आईने तुला, नौवद गोडवा ठेवला
पहाणी कराया सरकार बांधावरती आले
फोटो काढुन त्यांनी निवडणुकीला ठेवला
चुकलच देवा भरोसा तुझाव ठेवला
तुझा जिवाव संसार सारा पणाला लावला
Friday, November 24, 2023
एकटाच होतो
एकटाच होतो
का जातेस रोज आसे टाळुन मला ?
आसेही तुझ्याविना काय जिंदगी,
टाक नकाराने एकदाचे जाळुन मला
धोकाच राहील शिल्लक या आयुष्यामध्ये
काय उपयोग हिशोब सारा चाळुन मला
खुप पोळलो आहे तुझा ह्या प्रेमामध्ये
काय चटके बसणार विस्तवाशी खेळुन मला
फुटेल आंकुर प्रेमाचाच पुन्हा एकदा
जरी टाकले खोल तु गाडुन मला
ऊगवेल किरण आशेचा नव्याने ऊद्या
आज टाकले आंधाराने गिळुन मला
मी आहे न उमजणारी प्रेम पुस्तीका
न वाचताच टाकले तु फाडुन मला
तुझा बरोबर राहुन ही एकटाच होतो
काय फरक जरी गेलीस सोडुन मला
Thursday, November 23, 2023
भाव थोडासा खाशील का ?
भाव थोडासा खाशील का?
गर्लफ्रेंड जरी झाली नाही,
भाव थोडासा खाशील का ?
मन राखण्यासाठी तरी ,
लाईन थोडीशी देशील का ?
काँफी प्यायला येणार नाही तु
हे ही मला माहीत आहे,
कँन्टीन मधला चहा तरी तु
माझ्यासोबत पेशील का ?
आयुष्यभर पाहील वाट मी
जरी तु भेटणार नाही,
पाहाटेच्या स्वप्नात तरी तु
थोडा वेळ येशील का ?
प्रेमाच्या सागरात या
तु कधिही पडणार नाही,
प्रेमात बुडताना मला
आधार थोडा देशील का ?
दाढी केस वाढवुन जरी
प्रेमात वेडा झालो मी,
या वेड्याला प्रेमाने तु
ओळख तरी देशील का ?
गर्लफ्रेंड जरी झाली नाही,
भाव थोडासा खाशील का ?
मन राखण्यासाठी तरी,
लाईन थोडीशी देशील का ?
Saturday, October 28, 2023
बघ तुला जमतय का
बघ तुला जमतय का
करत आहे जी चुक मी
तुही एकदा करुन बघ ।।
रखरखता विस्तव एकदा
तळहातावर धरून बघ ।।
उगवणार नाही माहीत आहे
तरी या उजाड माळावर,
बिज प्रेमाचे पेरायला
बघ तुला जमतय का ।।
वारा येईल निरोप घेऊन
त्याला थोडा वेळ थांबव ।।
बोलणार नाही काहीच तो
तरी संभाषण थोड लांबव ।।
माझ्या मनातल सांगीतलय सगळ,
तुझ्या मनातलही सांगायला
बघ तुला जमतय का ।।
मि न लिहीलेले कोरे पत्र वाच
बघ काय समजतय का ??
मी न बोलताच ऐकण्याचा प्रयत्न कर
बघ काय उमजतय का ??
उमजणार नाही काहीच तुला,
तरी समजण्याचा प्रयत्न कर
बघ तुला जमतय का ।।
आभाळातल्या ताऱ्यांनला
थोडावेळ जमिनीवर बोलव ।।
तुझ्याबरोबर त्यानां ही
दोन पावल चालव ।।
आता बघ त्या एकट्या चंद्राकडे,
त्या चंद्राला समजुन घ्यायला
बघ तुला जमतय का ।।
आता आभाळ ढगांनी
दाटुन येईल ।।
सहनशिलतेच छप्पर
फाटुन जाईल ।।
आता कधीही कोसळेल सर
ति सर आऋंची थांबवायला
बघ तुला जमतय का ।।
Thursday, October 26, 2023
मला नवे नाही
मला नवे नाही
तुझे आयुष्यात येणे, तुझे दूर जाणे
तु माझी असणे, तु माझी नसणे
हे सारे आता, मला नवे नाही।।
तुझ्यासाठी जगणे, तुझ्यासाठी मरणे,
तुझ्यामागे फिरणे, तुझ्यासाठी झुरणे,
तुझ्यावीना हासणे मला नवे नाही।।
तु म्हणजे हिरवळ, फुलानची दरवळ,
तसेही ऊन्हाळे मला नवे नाही ।।
Thursday, October 12, 2023
रात्र भर वाट तुझी पाहत राहीलो
रात्र भर वाट तुझी पाहत राहीलो
रात्र भर वाट तुझी पाहत राहीलो ।।
पण तु आलीच नाही,
मग चंद्रामध्येच रूप तुझे पाहत राहीलो ।।
दोष नाहीच तुझा,
दोष आंधाऱ्या रात्रीला मी देत राहीलो ।।
रात्र भर वाट तुझी पाहत राहीलो ।।
पण तु आलीच नाही
कवेत चंद्राची किरणे मी घेत राहीलो ।।
देण्यासारखे माझ्याकडे नव्हतेच काही
भेट ताऱ्यांची आभाळाला देत राहीलो ।।
रात्र भर वाट तुझी पाहत राहीलो ।।
ऊधळण दवांची आंगावर घेत राहीलो ।।
नशा रात्रीची एकटाच मी पीत राहीलो।।
काळीज ठेवले तुझ्यासाठी,
धुक्यांबर जरी मी वाहत राहीलो ।।
रात्र भर वाट तुझी पाहत राहीलो ।।
शब्द जरी तु तुझा पाळला नाही
दोष तुला नाही शब्दाला त्या देत राहीलो ।।
रात्र भर वाट तुझी पाहत राहीलो ।।
पण तु आलीच नाही,
मग चंद्रामध्येच रूप तुझे पाहत राहीलो ।।
Monday, October 9, 2023
सारख आसच होतय
सारख आसच होतय।।
माहीत नाही का नेहमी,
सारख आसच होतय।।
पहिल्या प्रेमात झाले होते,
आगदी तसच होतय।।
फुलपाखरु होऊन मन
सार जग फिरून घेतय ।।
क्षीतीजावरती आभाळ
जमिनीच्या खुषीत येतय।।
माहीत नाही का नेहमी,
सारख आसच होतय।।
गुलाबांच्या पाकळ्यांवरच दव
मन ऊन होऊन पेतय ।।
पाहाटेचे मंद वारे ही आता
आमचेच गीत गातय ।।
माहीत नाही का नेहमी,
सारख आसच होतय।।
समुद्राला भेटाय पाणी
निरंतर वाहात जातय ।।
मंद काळोख्या रात्री
समुद्राला भरत येतय ।।
माहीत नाही का नेहमी,
सारख आसच होतय।।
पहिल्या प्रेमात झाले होते,
आगदी तसच होतय।।
Thursday, September 21, 2023
पाऊस
पाऊस
शब्द जरी जुने आसले
कविता मात्र नवी आहे
पाऊस काय येईल जाईल
पावसात ती हावी आहे
ओले केस घेऊन तिने
आडोशाला माझ्या यावे
ओठांवरचे पाणी तिच्या
ओठांवरती माझ्या द्यावे
बेभाण व्हावे पावसाने
अन समुद्राला भरते यावे
पाऊस जरी जुनाच आसला
सर मात्र नवी आहे
पाऊस काय येईल जाईल
पावसात ती हावी आहे
ओल्या चिंब अंगाला तिच्या
पावसाने कंप फुटावे
सुर्यानेही झोपी जाऊन
दुसऱ्या दिवशी निवांत ऊठावे
काळ्या कुठ्ठ आंधाराणे
आकाशातील ताऱ्यांना लुटावे
आकाश जरी जुनेच आसले
रात्र ती नवी आहे ।।
पाऊस काय येईल जाईल
पावसात ती हावी आहे
दूसरऱ्या दिवशी पुन्हा एकदा
आभाळ ढगांनी भरून यावे
झिरझिरणारऱ्या पावसामध्ये
फुलांनीही फुलुन घ्यावे
फुल जरी जुनेच आसले
कहाणी त्याची नवी आहे
पाऊस काय येईल जाईल
पावसात ती हावी आहे
शब्द जरी जुने आसले
कविता मात्र नवी आहे
पाऊस काय येईल जाईल
पावसात ती हावी आहे
ः
Saturday, September 16, 2023
राहुन गेले
राहुन गेले
शाळेमध्ये प्रेम करायचे राहुन गेले ।।
कॉलेजही तुला दुरून पाहुन गेले।।
आज विचारणार होतो एकदाचे तुला
पण सकाळी सकाळी तुझे बाब
तुझ्या लग्नाची पत्रीका देऊन गेले ।।
शाळेमध्ये प्रेम करायचे राहुन गेले ।।
आलो तरीही लग्नाला तुझ्या
लग्न तुझे दोन आश्रू देऊन गेले।।
पेत होतो मी दु:ख विरहाचे
बाकी सारे पोटभर जेवुन गेले।।
शाळेमध्ये प्रेम करायचे राहुन गेले ।।
कॉलेजही तुला दुरून पाहुन गेले।
Friday, March 17, 2023
बक्षीस
बक्षीस
दिले सदाफुलीचे झाड।।
निट राखा निगा म्हणजे
लवकर लागेल पाड।।
मोठ झाल्यानंतर त्याच
झाडाखाली करू आपण पार्टी।।
कारण नसताना कोणीही
चढायचे नाही वरती।।
फळे आल्यावरती ही
तुम्हीच आपापसात वाटुन घ्या।।
वाटल तर निगा राखण्यासाठी
रोज तासभर लवकर या।।
Wednesday, February 15, 2023
जगत राहिलो
जगत राहिलो
जरी सोडून गेली ती,
तीची वाट बघत राहिलो।।
वाटले होते मरेल आता ,
तरी पण जगत राहिलो।।
तिच्या पेक्षाही भेटेल भारी,
मिच मला बोलत गेलो।।
माझाच हात घेऊन हातात,
कित्येक मैल चालत गेलो।।
भेटली मलाही एक,
आगदी तिच्याच सारखी।।
समजावले खुप मनाला,
पण ती ती नव्हती।।
तिच्या मध्येच तिला,
मग मी बघत राहिलो।।
वाटले होते मरेल आता ,
तरी पण जगत राहिलो।।
मला ति मिळाली नाही,
पण मि ही तिला मिळालो नाही।।
तिही थोडी जळलीच ना प्रेमात,
मिच एकटा जळालो नाही।।
जुनेच स्वप्न आजही ,
नव्याने मी बघत राहिलो
वाटले होते मरेल आता ,
तरी पण जगत राहिलो।।
Subscribe to:
Posts (Atom)